- 045 -
1352 (7. stycznia) Legnica, następnego dnia po Objawieniu Pańskim etc.
Książę Wacław I. Legnicki zastawił miastu Legnica monetę halerzową za 10 grzywien złota.
— Nos Wenczeslaus dei gracia primus dux Slesie et dux Legnicensis tenore presencium recognoscimus universis, quod ex animo deliberato et prehabito Consilio nostrorum fidelium diligenti rite et racionalibiter obligavimus nostris fidelibus consulibus in Legnicz nostram parvorum denariorum monetam pro decem marcis auri in hunc modum, quod ipsi consules super proximum festum sancte Walpurgis [1. maja] se debent intromittere de moneta prenotata omni impedimento ipsis a nobis et ab omnibus nostris nullatenus occurrente, et ipsam regere debent vel vendere aut exponere et in suos usus convertere quousque decem marcis auri plenarie et complete percipiunt de moneta prenotata. Insuper promisimus ipsis nostris consulibus omni sine dolo et bona nostra fide, quod si aliquis ipsos nomine dicte monete inpetere nomine census vel debiti cujuscumque in judicio canonico vel civili [presumpserit], quod ipsis ipsam monetam totaliter exbrigare volumus et tenemur, harum nostrarum testimonio literarum, quibus nostrum sigillum est appensum.
Datum Legnicz in crastino Epiphanie domini anno domini millesimo trecentesimo quinquagesimo secundo.